Recibimos esta convocatoria da Asociación Composcleta de Santiago de Compostela:
Máis información no seu blog: Composcleta comeza os DomingoenBICI.
Advertisements
Chaves atopadas
Atopouse na urbanización un chaveiro con dúas chaves. Se alguén as bota en falta, que chame ao 605 88 48 85 que as teñen alí.
Abriu a área de xogos
A semana pasada abriu a nova área de xogos de Augas Mansas. Información da páxina web do Concello:
A NOVA ÁREA DE XOGOS DE AUGAS MANSAS XA ESTÁ EN SERVIZO
28/09/2016
Hoxe entra en servizo a nova área de xogos de Augas Mansas. A nova infraestrutura lúdica está integrada por un parque infantil e unha pista deportiva, cunha zona verde contigua. O investimento na obra foi de case 52.500 euros, incluído o IVE. O Concello achegou o 40 % do diñeiro e a contía restante procede dunha convocatoria autonómica financiada con fondos Feader.
Para a construción do novo parque infantil escolléronse materiais que precisan un mantemento baixo, como o aluminio, elementos galvanizados ou polietileno, e que cumpren coas últimas normativas do sector. A pista deportiva está situada xusto a carón, pero delimitada por unha rede de protección. Os dous equipamentos contan con peches perimetrais diferenciados.No terreo contiguo, o Concello está acondicionando unha zona verde que ocupa uns 1.200 metros cadrados de superficie. Esta mañá prantáronse alí árbores de sombra e sementouse herba. Ata que a herba medre e o terreo compacte o suficiente, non se pode acceder a este espazo, que será equipado cunha mesa e dous bancos. En función do seu uso, o Concello contempla unha posible ampliación deste mobiliario o vindeiro ano.
O novo equipamento dá cobertura tanto á propia urbanización de Augas Manxas como a núcleos próximos como Vilar, Guldrís, As Laxes, Pedrouso, Requián, Constenla, Sisto, Cruces, Lamas, Monte ou mesmo Solláns, todos eles situados a menos dun quilómetro de distancia.
Cantando no serán
Recibimos un aviso de que o vindeiro 8 de outubro de 2016 ás 20.30 se celebrará na igrexa de San Francisco (Os Tilos) o X Encontro de Corais 2016, coa participación da Coral Rosario Acuña, o Grupo Vocal e Instrumental Atlántico e o Grupo de Canto Aleceia de Os Tilos.
Plano da área de xogos
Seguen a bo ritmo as obras de construción da área de xogos na zona sur de Augas Mansas, que terá columpios por un lado (torre, tobogán, rede, escada, randeeiras e muelles) e pista multideporte de 10 x 17 m por outro.
Se tedes interés podedes descargar o plano da área que nos enviou a concelleira de urbanismo, Uxía Lemus:
Resultados do foro Teo Decide
Abaixo podedes descargar o PDF coa acta relativa ao FORO DE DEVOLUCIÓN do programa TEO DECIDE: CAMIÑOS SEGUROS, que tivo lugar o pasado mes de maio e na que se dá conta dos resultados desta iniciativa, incorporando a información detallada das sendas que se van a executar durante o período 2016-2019 por parte da administración local.
O concello agradece a participación da veciñanza e “a vosa implicación, constituíndo TEO DECIDE unha aprendizaxe para todos/as, en canto á súa metodoloxía, contidos e debates, xa que a participación é un elemento de transformación que outorga maior lexitimidade ás actuacións públicas ao incoporar diferentes voces e reflexións colectivas.”
Obras marquesiña e área de xogos
Estes días un equipo de operarios está traballando na colocación dunha nova marquesiña para o bus escolar na zona norte…:
E na zona sur empezaron tamén as obras de construción da área de xogos:
