Archive for the ‘teo’ Category

somos.teo.gal

5 Maio, 2017

somos-teo

Abre somos.teo.gal. Así presenta o Concello esta plataforma de participación cidadá:

«O Concello de Teo presenta a plataforma de participación cidadá Somos Teo (http://somos.teo.gal) como unha ferramenta de interacción directa coa cidadanía. Nesta nova ferramenta web poderanse achegar opinións e consultas pero tamén se tomarán decisións sobre debates presentados dende as diferentes concellarías.

O primeiro debate sobre o que os/as teenses decidirán será a escolla do novo logo municipal. Dende o venres 5 de maio, que estará operativa a plataforma, ata o 30 de xuño, calquera persoa censada en Teo maior de dezaseis anos poderá emitir o seu voto a favor dunha das tres propostas posibles.

Para participar nesta nova plataforma pódese facer sen rexistrarse que só poderás ver o contido dos debates ou dándose de alta como usuario. Deste xeito ademais de poder participar nos debates abertos ou votar poderanse enviar consultas ou suxestións de xeito que a persoa poderá ver o estado da súa consulta ata que quede solucionada e pechada.

Dende o goberno municipal acordouse convocar á cidadanía a través da plataforma Somos Teo para decidir cal será a nova imaxe do Concello. Trátase de buscar un novo logo actualizado que se irá utilizando nos diferentes soportes nos que debe estar identificado o Concello. Esta nova imaxe non sustituirá o escudo.
logo-teo.png
Despois de convocar a varias empresas de deseño ás que se lle pediu que traballasen sobre os petróglifos de Teo xurdiron tres propostas. A votación deste novo logo estará aberta entre o 5 de maio e o 30 de xuño. Durante este tempo as persoas que precisen axuda técnica para votar poderán facelo na aula de informática municipal ou na mediateca do Grilo.

Tamén haberá espazos habilitados para coñecer a plataforma e poder votar en lugares de concentración de persoas como a festa do picantón en Rarís ou o Festeo en Calo.»

Advertisements

Casa común de Cacheiras

4 Maio, 2017

Hoxe ás 20h inaugúrase a nova Casa común de Cacheiras, ubicada na Travesía de Cacheiras nº 38 (onde estaba a libraría O trasno viaxeiro). Máis información na web do Concello. Cartel anunciador do evento (PDF), que contará coa presenza do humorista Lois Pérez.

Informamos tamén de que mañá venres 5 de maio ás 18h proxectarase a película En construcción, de José Luis Guerín, na Casa común (biblioteca) de Os Tilos. Máis información.

E o vindeiro 21 de maio ás 11h terá lugar un roteiro participativo entre Campos de Mirabel e o Faramello: cartel con toda a información (PDF).

Xa funciona o TeoBus

5 Abril, 2017

Desde este luns 3 de abril.

Toda a información na web do Concello.
Mapa de paradas (PDF).
Horarios (PDF).

Curso gratuíto sobre emprego para mulleres

16 Marzo, 2017

Curso presencial gratuíto para mulleres Formación Dixital para o Emprego. Terá lugar na aula de informática do Centro Sociocultural da Ramallosa a partir do 19 de abril en horario de 10 a 14h. Toda a información na web da asociación organizadora, Otro tiempo.

Abriu a área de xogos

4 Outubro, 2016

A semana pasada abriu a nova área de xogos de Augas Mansas. Información da páxina web do Concello:

A NOVA ÁREA DE XOGOS DE AUGAS MANSAS XA ESTÁ EN SERVIZO
28/09/2016
Hoxe entra en servizo a nova área de xogos de Augas Mansas. A nova infraestrutura lúdica está integrada por un parque infantil e unha pista deportiva, cunha zona verde contigua. O investimento na obra foi de case 52.500 euros, incluído o IVE. O Concello achegou o 40 % do diñeiro e a contía restante procede dunha convocatoria autonómica financiada con fondos Feader.
Para a construción do novo parque infantil escolléronse materiais que precisan un mantemento baixo, como o aluminio, elementos galvanizados ou polietileno, e que cumpren coas últimas normativas do sector. A pista deportiva está situada xusto a carón, pero delimitada por unha rede de protección. Os dous equipamentos contan con peches perimetrais diferenciados.

No terreo contiguo, o Concello está acondicionando unha zona verde que ocupa uns 1.200 metros cadrados de superficie. Esta mañá prantáronse alí árbores de sombra e sementouse herba. Ata que a herba medre e o terreo compacte o suficiente, non se pode acceder a este espazo, que será equipado cunha mesa e dous bancos. En función do seu uso, o Concello contempla unha posible ampliación deste mobiliario o vindeiro ano.

O novo equipamento dá cobertura tanto á propia urbanización de Augas Manxas como a núcleos próximos como Vilar, Guldrís, As Laxes, Pedrouso, Requián, Constenla, Sisto, Cruces, Lamas, Monte ou mesmo Solláns, todos eles situados a menos dun quilómetro de distancia.

Resultados do foro Teo Decide

3 Setembro, 2016

Abaixo podedes descargar o PDF coa acta relativa ao FORO DE DEVOLUCIÓN do programa TEO DECIDE: CAMIÑOS SEGUROS, que tivo lugar o pasado mes de maio e na que se dá conta dos resultados desta iniciativa, incorporando a información detallada das sendas que se van a executar durante o período 2016-2019 por parte da administración local.

O concello agradece a participación da veciñanza e “a vosa implicación, constituíndo TEO DECIDE unha aprendizaxe para todos/as, en canto á súa metodoloxía, contidos e debates, xa que a participación é un elemento de transformación que outorga maior lexitimidade ás actuacións públicas ao incoporar diferentes voces e reflexións colectivas.”

Acta 2º Foro Camiños Seguros [PDF, 677 KB]

Festeo 2016

3 Xuño, 2016

O Concello de Teo presenta o programa da primeira edición do Festeo, unha xornada de festa, actividades e convivencia aberta á participación de todos os veciños e veciñas e tamén de persoas de fóra do municipio. A celebración terá lugar o domingo 5 de xuño na Carballeira de Francos (ver mapa de abaixo; está no centro), a partir do mediodía, e outórgalle un protagonismo especial ao tecido asociativo de Teo.

Haberá exhibicións, obradoiros, roteiros, teatro, música… toda a información en http://teo.gal/actualidade/nova.php?id=1735&lg=gal

13308162_1150003931717909_3111399757150075715_o-1

O Concello chama á participación veciñal

10 Maio, 2016

O Concello de Teo chama á participación veciñal para o Foro TEO DECIDE: CAMIÑOS SEGUROS, que terá lugar o día 19 de maio no Salón de Plenos do Concello, dende as 20:00 ata as 21:00 horas.

Máis información: http://teo.gal/actualidade/nova.php?id=1727&lg=gal

 

Charlas de saúde

12 Abril, 2016

Programación de charlas sobre saúde que organiza o concello de Teo e asociación Terra:

unnamed

Construción das beirarrúas

10 Abril, 2016

Xa están traballando na construción das beirrarúas que unirán Augas Mansas co Sisto:

26071094470_d2c7ffcdef_b

26071095220_4dcac43d34_b