O lixo mellor dentro dos contedores

IMG_20160111_095416064

Esto é o que pasa cando os contedores soterrados da zona norte se atoran (cousa frecuente debido ao seu mal deseño) e algunhas persoas deixan as bolsas de lixo no chan. Que veñen os cans e as destrozan e queda todo espallado. Un pouco máis arriba, frente as marquesiñas, hai máis contedores; non son tan bonitos nin caros pero si son máis eficientes e raramente están a tope. Por favor, cando as bolsas non entren nos contedores soterrados, levémolas aos contedores frente as marquesiñas, están a 50 m…

Residuos sólidos na rede de saneamento

O departamento de medio ambiente do concello de Teo escribiu unha nota para tratar de facer conscientes aos veciños do concello de que tirar residuos sólidos polo retrete xenera varios problemas graves: O concello detecta na rede de saneamento unha gran cantidade de residuos sólidos que provocan danos medioambientais e económicos.

Pasotismo veciñal cos contedores de vexetais

Se nos fixamos, ao lado do contedor de residuos vexetais da zona sur da urbanización veremos unha montaña que vai medrando pouco a pouco pero sen cesar. Esa montaña está formada polos residuos non vexetais que repetidamente botamos no contedor de residuos vexetais e que repetidamente nos dixeron que non había que botar aí. A empresa debeu cansar de recollelos e optou finalmente por amontoados a un lado. Decisión lóxica e comprensible.

O asunto é realmente sinxelo:

  • Se levamos os residuos vexetais nunha bolsa de plástico, tiramos os vexetais ao contedor de vexetais e a bolsa de plástico ao contedor de plástico, que está a un metro de distancia.
  • Se queremos desfacernos de madeiras grandes, sillas, portas, televisións, etc, levámolas ao Punto Limpo, que está aquí. Abre de martes a venres de 10h a 13h e de 17h a 19h. E os sábados de 10h a 13h.
  • Se o que temos que tirar é demasiado voluminoso para que o poidamos levar nós mesmos no coche ao Punto Limpo, chamamos ao concello e eles xestionan a recollida coa empresa de lixo.

Tendo en conta o sinxelo que é e as veces que nos insistiron nesto desde o concello, costa entender que se siga facendo mal.

Mirade os de Recesende que curiosiños, parece que a eles non lles costa esforzarse en facelo ben:

Teo Limpo

O Concello presentou a semana pasada a nova campaña ‘Teo Limpo’, coa que pretende achegar aos cidadáns todas as posibilidades que lles ofrecen os servizos de recollida do lixo e de limpeza diaria para que así tamén teñan a oportunidade de fiscalizalos e reivindicar o seu cumprimento cando consideren que hai algún fallo no seu funcionamento.

A noticia na web do concello.
Folleto con información exhaustiva sobre o funcionamento do servizo de limpeza que temos contratado os teenses [PDF, 705 KB].

Lixo, piscina, zona verde: asuntos recorrentes

Algúns dos últimos comentarios feitos en augasmansas.com tratan asuntos recorrentes nas conversas entre veciños. Por exemplo, Santiago di:

a ver si nos enteramos que no se puede depositar basura al lado de los contenedores subterraneos, solo se puede depositar dentro y en cada uno lo que corresponda, estoy hasta las pelot… de encontarme la basura fuera de su sitio, los que la depositan son unos porcos, esa es una acera por donde pasan los vecinos y tiene que estar limpia, además, los de servicio de recogida de basura no tienen obligación de llevarse la que está fuera de los contenedores.

E ten razón, por suposto. Pero tamén hai que observar unha triste realidade: desde que hai un par de anos se fixo o cambio dos contenedores vellos polos novos soterrados –cambio que custou moitos, moitos miles de euros– é máis incómodo e difícil botar o lixo alí. O deseño dos contedores deixa moito que desexar: con frecuencia as bolsas non entran ben e hai que abrir e pechar a porta varias veces para que caian para abaixo, e a veces acaban baixando, pero outras non… de maneira que queda atascado e non se pode meter máis lixo dentro… e as bolsas acaban quedando fóra. Aquí hai que recordar que tan so cincuenta metros máis arriba destes contenedores soterrados, de luxo pero pouco eficaces polo seu deseño, hai outros máis baratos, dos grandes de plástico de toda a vida… máis feos e aparatosos quizáis, pero que funcionan perfectamente ben… alí se pode meter o lixo nas ocasións en que os outros estean atorados. Así facemos moitos veciños.

Por certo, cando se construiron estes contenedores soterrados a empresa instaladora colocou alí unha valla xigantesca con unha relación de datos sobre a instalación; prazos, prezos, empresa que o fixo… pasaron dous anos e esta valla aínda segue aí… ¿ata cando quedará?

Outro comentario recente é o de Chus:

Para cando a apertura das piscinas? Se se van vaciar para limpialas, recordamos que a piscina dos nenos faltanlle moitas pezas do gresite, que o ano pasado lastimaban, e a tapa do centro tamen se tiña que revisar, porque fixeranse varios cortes o rozarse con ela.

Haberá que telo en conta tamén. Esta empresa que nos leva o mantemento da piscina non se caracteriza precisamente por solucionar os problemas de motu propio cando aparecen. Recordemos por exemplo cando se estropearon as duchas; estiveron sen funcionar moitas semanas e houbo que pedirlles moitas veces (demasiadas, penso) que as arranxaran. Hai que estar encima e insistir. Esto das pezas do gresite xa se lles pediu o ano pasado, e algunhas cambiaron, alomenos na piscina grande (ou mellor sería dicir “na piscina menos pequena”, que grande, o que se di grande, non é ningunha).

Outra cousa que non se comentou na web pero da que seguro que moitos se fan preguntas é a zona verde. ¿Recordades cando hai anos falabamos nas asambleas de poñer un parque infantil nesta amplia e estupenda zona verde que temos, e moitos dicían de chiste que si, que o parque estaría listo cando os nosos pequenos fóran a universidade? O chiste vai convertindose en realidade. A urbanización está a piques de cumplir dez anos. Os nosos fillos medraron. A zona verde segue valeira. En vista de que concello, deputación… etc, non queren ou non poden axudarnos con esto, quizáis sería momento de pensar en poñer algo nós mesmos. Un par de bancos para poder sentarnos e aproveitar o lugar. Árbores. Un columpio. Algo.

Os contenedores de vexetais poden desaparecer

Desgraciadamente segue a haber xente que tira nos contenedores de residuos vexetais residuos que non son vexetais. Esto supón un problema para o Concello, ata o punto de que están a pensar na posibilidade de retiralos. Explícano en detalle na web do Concello: O Concello alerta de que terá que retirar as cubas colocadas para restos vexetais no caso de que se sigan utilizando de xeito inadecuado.

Máis sobre os contenedores vexetais

O Concello colgou na súa web información sobre os contenedores vexetais dos que falamos na entrada anterior; din, entre outras cousas…:

Dende o Departamento de Medio Ambiente alertan da necesidade de que se realice un bo uso destas novas cubas. Nestes días xa se tivo que vaciar algunha e os servizos de recollida atopáronse con restos inadecuados como ferros, restos de madeira, plásticos, rodas, pequenos electrodomésticos e ata bicicletas.

Respecto destes residuos cabe destacar que o Concello dispón dun servizo de recollida de voluminosos do que se pode facer uso chamando directamente ó teléfono 696 903 278. Neste número pódese indicar o que hai que recoller e o lugar.

Noticia completa na web do Concello.