Augas Mansas agora… e en 1957

Na primeira imaxe, Augas Mansas e arredores na actualidade. Na de abaixo, a mesma zona no ano 1957. Clicando amplíanse. Como cambiou o panorama! Podedes ver o resto de Teo e de Galicia no visor de mapas.xunta.es; no menú que aparece na parte superior da ventana hai un icono verde, cara ao medio, que permite elixir o mapa a visualizar, o novo, o vello ou outros.

pedrouso no 2014 aprox

pedrouso no 1956 aprox

Contos da boa pipa en Augas Mansas

actuación daboapipa contacontos en augas mansas
Dentro das actividades da nosa asociación e grazas a colaboración do concelleiro de Benestar Social, Igualdade e Participación Veciñal do concello de Teo, Ignacio Iglesias, programamos para o venres da semana que vén, día 12 de setembro de 2014, ás nove e media da noitiña, unha actuación da compañía Daboapipa Contacontos adicado ás persoas adultas, non apto para “peques” pola súa temática:  “Historias de vida, guerra, amor e case morte…”
A sesión terá lugar na zona das piscinas polo que podemos sentar na herba, no chan sobre una toalla ou quen queira que leve unha cadeira onde sentarse. Se chove, haberá que anular ou pospoñer a sesión, nese caso informaremos aquí.
contos da boa pipa
Conta e canta: Vero Rilo
Música: Santi Prieto
Lugar: zona das piscinas da urb. Augas Mansas
Hora: 21.30 h

Encontro da veciñanza na Piscina Municipal da Ramallosa

Imaxe

A Piscina da Ramallosa e mais a Concellería de Benestar Social, Igualdade e Participación Veciñal convocan unha tarde para que os socios e sociais das asociacións veciñais poidan gozar de xeito gratuíto das seguintes actividades:

  • Piscina cuberta
  • Xogos para nenos na pista multideporte de 17:30 a 18:30
  • Sala de actividades, clases de ximnasia de media hora para adultos de 17:30 a 18:00 e de 18:00 a 18:30.

DIA 3 DE MAIO, SÁBADO TARDE, a partir das cinco.

Para participar nesta actividade, cómpre inscribirse e os/as veciños interesados/as poden poñerse en contacto con Xurxo Bértola, na casa 53 ou a través desta canle, para facelo.

Os Servizos Sociais de Teo organizan unha charla informativa sobre os recursos dispoñibles diante das novas problemáticas sociais

FACEBOOK

O Departamento de Benestar organiza unha charla informativa sobre as novas necesidades que existen na sociedade, moitas delas derivadas da brutal crise económica que vivimos e sobre os recursos públicos dos que se dispoñen. O acto público será o xoves 4 de abril ás 20:00 horas no salón de plenos.

Esta charla pretende ter un achegamento amplo ás novas problemáticas sociais e ademais de intervir unha persoa dos Servizos Sociais do Concello de Teo tamén participará a Asociación de Usuarios de Banca, Cajas y Seguros, ADICAE, e mais a Plataforma de Afectados pola Hipoteca PAH.

Deste xeito quérese dar resposta a preguntas como quen nos pode axudar se carecemos de recursos, que podemos facer antes os abusos dos bancos ou como podemos xestionar os problemas coa hipoteca.

Segundo explica Ignacio Iglesias, edil de Benestar, o perfil dos usuarios dos Servizos Sociais nos últimos tempos está mudando. Antes o habitual eran persoas de familias desestruturadas con problemas funcionais. Sen embargo cada vez máis se atende a persoas que nunca estiveron relacionadas con esta atención e os seus problemas veñen derivados dunha situación económica adversa. Trátase de xente que precisa axuda e moitas veces no sabe onde acudir, explica Iglesias.

Fonte: web do Concello de Teo

Campaña de voluntariado de acompañamento

A Concellaría de Benestar, Igualdade e Participación Veciñal anima a aquelas persoas maiores de 18 anos que teñan unha dispoñibilidade horaria de xeito habitual, polo menos dunha hora, a participar na campaña de voluntariado de acompañamento. Celebrarase unha reunión o vindeiro xoves 21 de febreiro ás 20:00 horas no salón de plenos do Concello. Máis información na entrada correspondente de concellodeteo.com.

Campaña de recollida de xoguetes para o Nadal

Este ano máis ca nunca, moitos nenos e nenas van ter moi difícil recibir un agasallo durante o Nadal. O Concello de Teo e máis Preotección Civil organizan unha campaña de recollida de xoguetes para os cativos e cativas das familias menos favorecidas das nosas vilas e lugares.

Trátase de entregar aqueles xoguetes que sendo novos ou que estean en bo estado, os nosos fillos non precisen ou non queiran, e doalos para que se repartan entre aquel*s que doutro xeito non terían ningún.

A recollida realizarase durante estes horarios:

Luns, mércores e venres de 20:30 a 21:30
Os xoves de 19:00 a 20:00
Lugar: Local da Asociación de Veciños Baiuca (Solláns)

Grazas anticipadas pola vosa colaboración. Agora, a ilusión de moitos cativos e cativas É COUSA DE TOD*S.

Martes 13 de Novembro. Marcha cívica de alumnos do IES residentes en Augas Mansas, Predouso e Vilar

Moitos dos pais e nais dos alumnos que estudan no IES Cacheiras saben que hai un movemento cidadá para solicitar á Xunta de Galicia o servizo de autobús escolar que, por motivos de distancia, non corresponde legalmente.

Os pais e nais sabemos tamén que a distancia non é, efectivamente, o problema, senón a seguridade dos rapaces e rapazas durante o itinerario, pois a maioría de viais da contorna carecen de beirarrúas. Un colectivo de máis de vinte familias solicitamos este servizo, pero a Xunta denegouno aténdose á casuística legal da distancia.

Para continuar premendo, o vindeiro martes 13 de novembro, convócase por parte deste colectivo a todos os estudantes do IES residentes na zona para que as 8:10 da mañá se concentren na marquesiña norte da urbanización (Pedrouso) para, desde alí, e acompañados pola policía local, realizaren o percorrido ata o instituto. Deste xeito, os dirixentes do concello poderán obter un informe técnico no que se valorarán as carencias de seguridade deste itinerario e poder elevalo ao goberno galego. Esperemos que esta acción cívica sirva para facer patente de vez a necesidade deste servizo por parte da Administración.

Animámosvos a que os vosos fillos participen desta acción. Lembrade:

Lugar: Marquesiña norte da Urbanización Augas Manasas (Pedrouso)

Hora: 8:10 am

Participantes: alumnos e alumnas do IES de Cacheiras da zona

Condicións: irán acompañados dunha patrulla da policía local

Sendeirismo polo monte Piquiño

O concello de Teo organiza unha camiñada guiada (21 km, dificultade alta) para dar a coñecer o contorno de Monte Piquiño, con preto de 100 bens patrimoniais onde destacan os petróglifos e os xacementos megalíticos. Será o domingo 30 de setembro, todo o día. O punto de encontro é a igrexa de Cornide, ás 9.00 h. Hai que levar almorzo, pantalón longo e calzado axeitado. As inscricións pódense facer ata o día 27. Quen queira inscribirse ou máis información ten que chamar ao teléfono 981 815 700.