Campaña de recollida de xoguetes para o Nadal

Este ano máis ca nunca, moitos nenos e nenas van ter moi difícil recibir un agasallo durante o Nadal. O Concello de Teo e máis Preotección Civil organizan unha campaña de recollida de xoguetes para os cativos e cativas das familias menos favorecidas das nosas vilas e lugares.

Trátase de entregar aqueles xoguetes que sendo novos ou que estean en bo estado, os nosos fillos non precisen ou non queiran, e doalos para que se repartan entre aquel*s que doutro xeito non terían ningún.

A recollida realizarase durante estes horarios:

Luns, mércores e venres de 20:30 a 21:30
Os xoves de 19:00 a 20:00
Lugar: Local da Asociación de Veciños Baiuca (Solláns)

Grazas anticipadas pola vosa colaboración. Agora, a ilusión de moitos cativos e cativas É COUSA DE TOD*S.

Martes 13 de Novembro. Marcha cívica de alumnos do IES residentes en Augas Mansas, Predouso e Vilar

Moitos dos pais e nais dos alumnos que estudan no IES Cacheiras saben que hai un movemento cidadá para solicitar á Xunta de Galicia o servizo de autobús escolar que, por motivos de distancia, non corresponde legalmente.

Os pais e nais sabemos tamén que a distancia non é, efectivamente, o problema, senón a seguridade dos rapaces e rapazas durante o itinerario, pois a maioría de viais da contorna carecen de beirarrúas. Un colectivo de máis de vinte familias solicitamos este servizo, pero a Xunta denegouno aténdose á casuística legal da distancia.

Para continuar premendo, o vindeiro martes 13 de novembro, convócase por parte deste colectivo a todos os estudantes do IES residentes na zona para que as 8:10 da mañá se concentren na marquesiña norte da urbanización (Pedrouso) para, desde alí, e acompañados pola policía local, realizaren o percorrido ata o instituto. Deste xeito, os dirixentes do concello poderán obter un informe técnico no que se valorarán as carencias de seguridade deste itinerario e poder elevalo ao goberno galego. Esperemos que esta acción cívica sirva para facer patente de vez a necesidade deste servizo por parte da Administración.

Animámosvos a que os vosos fillos participen desta acción. Lembrade:

Lugar: Marquesiña norte da Urbanización Augas Manasas (Pedrouso)

Hora: 8:10 am

Participantes: alumnos e alumnas do IES de Cacheiras da zona

Condicións: irán acompañados dunha patrulla da policía local

Convocatoria de Asemblea Xeral Extraordinaria

Prezado/a veciño/a,

Pola presente convocámoste á Asemblea Xeral Extraordinaria que se celebrará o vindeiro 8 de novembro no local da Asociación A Baiuca de Solláns, que amablemente nos cede de novo o seu espazo de xeito desinteresado para que poidamos realizar a nosa reunión, que comezará ás 19:30 en convocatoria única.

A orde do día da asemblea, determinada nos puntos 1 e 3 polas decisións da pasada Asemblea Ordinaria de 2012, é a seguinte:

  1. Revisión de propostas e elección da empresa de mantemento das nosas instalacións de piscina e xardín.
  2. Reparacións da piscina.
  3. Someter a votación a idoneidade de manter a celebración da noite de San Xoán por con­ta da nosa asociación.
  4. Novas sobre o proceso de recepción municipal da nosa urbanización.

O local da Asociación A Baiuca está preto do Restaurante Neira, en Solláns (ver plano). Dispón de amplo aparcadoiro.

Plano da urbanización no PXOM

o pxom en augas mansas

O noso conveciño Juan C. envíanos o plano que recolle a situación urbanística de Augas Mansas, de acordo co plan xeral de ordenación municipal (PXOM) aprobado definitivamente pola Consellería de Política Territorial, Obras Públicas e Transportes (CMATI), por Orde do 4 de xuño de 2010 (DOG número 112 do 15 de xuño de 2010). O famoso plano do que tanto se ten falado nas asembleas da asociación de veciños. Gracias, Juan C.

Descargar: Plano do PXOM na zona de Augas Mansas [PDF, 1,3 MB].

Información sobre a lista de correo

Estamos reactivando á lista de correo da asociación en googlegroups. Pode ser de utilidade para tratar asuntos entre asemblea e asemblea. Algún dato sobre a lista, para quen non estea ao tanto:

¿Qué é a lista de correo de Augas Mansas?

É un medio de comunicación de grupos; un sistema de distribución que fai que tódalas mensaxes enviadas a un enderezo sexan automáticamente reenviadas aos correos de todas as persoas suscritas á lista.

Concretamente no noso caso, tódalas mensaxes enviadas a augasmansas@googlegroups.com serán recibidas por tódolos veciños suscritos á lista.

¿Cómo me suscribo á lista?

Solicitándoo no correo de contacto da asociación. Hai un único requisito para poder entrar na lista: ser veciño/a de Augas Mansas. No correo que nos envíes simplemente tes que indicarnos o número de chalet no que vives.

¿Cómo sei que unha mensaxe provén da lista de correo?

Tódalas mensaxes que se envíen á lista se identificarán coa etiqueta [augasmansas], que aparecerá sempre, automáticamente, no campo “asunto”.

¿Que ocorre se contesto a unha mensaxe da lista de correo?

O feito de que unha mensaxe leve no asunto a etiqueta [augasmansas] implica que dita mensaxe foi rebcibida por tódolos veciños. E se respondedes a esa mensaxe, tódolos veciños leerán a vosa resposta. Se o que queredes é escribir un correo só para a directiva, escribide ao correo de contacto da asociación. Se queredes que o lean todos os veciños, enviádeo a augasmansas@googlegroups.com.

¿Calquera pode enviar mensaxes á lista de correo de Augas Mansas?

Non, só poderán enviar mensaxes a augasmansas@googlegroups.com as persoas que estean suscritas á lista.

¿Quen pode ler as mensaxes da lista?

Só poderán ler as mensaxes da lista de correo as persoas que estean suscritas. É unha lista privada; os non suscritos non poden acceder a ela.

¿Como me dou de baixa da lista de correo?

Aquí: http://groups.google.com/group/augasmansas/subscribe
Se con ese enlace non o consigues, escribe ao correo de contacto da asociación e o facemos nós mesmos.

Organización da sardiñada 2012


Todas as persoas interesadas en que este ano se celebre sardiñada e queiran botar unha man na organización na medida que poidan, por favor, que pasen pola rotonda que está sobre a piscina este xoves 21 ás 20:30 h.

Se podedes axudar moito, estupendo, pero se só podedes axudar un pouquiño tampouco deixedes de vir: calquera axuda será benvida, e se montamos a cousa entre uns cantos o traballo será máis rápido e sinxelo. Se non podedes acercarvos o xoves á noite pola rotonda, pero aínda así podedes e queredes botar un cable o sábado pola tarde, podedes avisarnos por correo electrónico ou comentárllelo a algún dos membros da directiva. ¡Vémonos!

Convocatoria asemblea 18/06/12

Como sabedes, hai convocada unha asemblea para o vindeiro luns 18 de xuño ás 19.30h (e se non estábades enteirados, avisade, para que lle deamos o voso correo á gestoría). O PDF con dita convocatoria está aquí.

Nesta ocasión a reunión celebrarase nun sitio diferente ao habitual: no local da Asociación de Veciños A Baiuca, a carón do restaurante Neira. Máis ou menos onde está a flecha verde:

Vémonos alí.

Nota (18 de xuño): actualizamos o mapa para precisar mellor o lugar da reunión, seguindo as indicacións que Xurxo da nos comentarios. É no marcador azul.

¿Interesados en adecentar as casas?

Poñemos aquí un comentario que María fixo na entrada anterior, para darlle máis visibilidade, posto que é de interés xeral. Di María:

Gustaríame saber se nesta urbanización hai veciños aos que lle interesa adecentar a casa (limpar os canalóns, reparar as gretas do cotegrán, impermeabilizar a pedra, colocar e sellar ben os recolledores da auga que parten co cumio do tellado, pintar, …).

Se así fose -e esta pregunta vai para a Directiva da Asociación-¿Poderíase facer unha consulta sobre o número de interesados nesta actuación e, en función do mesmo, pedir presuposto individualizado a algunha ou algunhas empresas?

Se o número das vivendas a rehabilitar fose representativo, é de supoñer que poderíamos conseguir un prezo moito mais favorable.