24 de maio, Xornada de encontro do asociacionismo teense co Concello

by

O Concello de Teo vén de convocar a todas as asociacións veciñais do municipio para levar a cabo unha xornada de encontro co obxectivo principal de “identificar, a través do diálogo e o debate, propostas de mellora nas relacións entre o Concello e as Asociacións, así como nas dinámicas colaborativas entre as propias asociacións. A participación está aberta a todas aquelas persoas da Asociación que queiran participar. Por iso, queremos animar a vosa entidade a que faga a máxima difusión para que teñan un maior coñecemento da celebración xornada”.

Pola nosa parte, desde a directiva da AVV Augas Mansas, animámosvos a participar activamente neste encontro.

Nunha reunión previa con persoas das diferentes directivas das asociacións identificáronse as seguintes problemáticas:

Relacións entre Concello-Asociacións:

  • Abandono total por parte do concello das asociacións de veciños.
  • Falta de información das subvencións que corresponden ás asociacións.
  • Escasa presenza, por parte do concello, nas asociacións de veciños.
  • Falta de consulta cos veciños por parte do concello.
  • Pouca estimulación de actividades dentro das asociacións.
  • Escasa potenciación das relacións entre asociacións.
  • Necesidade de convocatorias de xuntanzas con antelación mínima de dúas semanas.
  • Necesidade de nomear a un coordinador coas asociacións, que centralice ou canalice as demandas das asociacións.
  • Falta de comunicación e diálogo/debate entre o Concello e as Asociacións. Necesidade de establecer canles.
  • Necesidade de actualización dos datos das asociacións na web do concello.
  • A web municipal é unha ferramenta pouco participativa.
  • Necesidade de facer as Xornadas do asociacionismo co concello.
  • Descoñecemento sobre cal son ás demandas ou esixencias do concello con respecto ás asociacións.

Grupo sobre dinámicas colaborativas entre as propias asociacións:

  • A dispersión xeográfica dificulta as relacións entre AAVV.
  • Falta de comunicación entre asociacións e competencia entre parroquias pequenas e grandes.
  • Moitas asociacións atenden necesidades moi locais e cada un limítase a solucionar o seu problema.
  • Necesidade de formación para a participación (mellorar a dinámica de traballo dentro das entidades).
  • Necesidade dun espazo de comunicación virtual entre asociacións.
  • Pouca colaboración derivada do descoñecemento das cousas que traballa cada entidade. Existen prácticas colaborativas que non se aproveitan.
  • Política de comunicación mal deseñada e pouco práctica (boletín, web…).

Data, horario e lugar da xornada:  venres 24 de maio, en horario de 20h00 a 22h00, no Salón de Plenos da Casa do Concello de Teo.

Unha resposta to “24 de maio, Xornada de encontro do asociacionismo teense co Concello”

  1. ‘El Correo Gallego’ manipula unha noticia publicada nesta web | Augas Mansas Says:

    […] Referente á ao ” desvarío ” publicado no xornal El Correo Gallego, como presidente da Asociación de Veciños de Augas Mansas e responsable da noticia publicada na web da nosa entidade recollida nesta suposta información de El Correo Gallego, protesto enerxicamente ante esta interpretación do contido da información por nós publicada. […]

Deixar un comentario

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s