¡Por fin!:
A Xunta de Galicia outorgou por fin a aprobación definitiva do Plan Xeral de Ordenación de Teo. Despois de nove anos de tramitación o Concello xa dispón dunha norma urbanística integral para o seu desenvolvemento nos vindeiros anos.
Arquivo da categoría ‘pxom’
Aprobado o PXOM de Teo
Venres, Xuño 11th, 2010Rexeitado de novo o PXOM de Teo
Sábado, Xaneiro 30th, 2010Falan deste asunto en El País, na Consellería de Medio Ambiente e na propia web do Concello, por exemplo.
Plano de Augas Mansas no PXOM
Luns, Novembro 9th, 2009
O pleno aprobou o pasado 16 de outubro o informe do equipo redactor para a cumplimentación da orde do 11 de febreiro de 2009, da Consellería de Política Territorial, Obras Públicas e Transportes, e aprobación provisional do documento refundido do PXOM do Concello de Teo. Nesta páxina están dispoñibles para descargar todos os PDF cos planos do PXOM do Concello. O que inclúe a nosa urbanización é o da zona 11, podédelo descargar directamente neste enlace: Plano de Augas Mansas no PXOM de Outubro de 2009.
A ocupación de zonas verdes, prescrita
Sábado, Agosto 1st, 2009Reproducimos a continuación unha nota de prensa, difundida polo Concello de Teo a semana pasada, sobre o asunto do aval e da ocupación de zonas verdes (do que falamos aquí hai uns meses):
A FISCALÍA COMUNÍCALLE AO CONCELLO QUE A OCUPACIÓN DE ZONAS VERDES EN AUGAS MANSAS POR PARTE DA PROMOTORA ESTÁ PRESCRITA
O alcalde de Teo destaca que “o grupo de goberno cumpriu coa súa obriga de trasladar cuestións que entendíamos como irregulares á Fiscalía”
23 de xullo de 2009. A Fiscalía do TSJ de Galicia comunicoulle ao Concello de Teo que a ocupación demostrada de zonas verdes por parte da promotora na urbanización de Augas Mansas é unha actuación que dado o tempo trasncurrido está prescrito na vía penal.
O alcalde de Teo trasladara á Fiscalía o pasado mes de marzo “varios feitos que nos entendíamos como irregulares no expediente desa urbanización promovida por Mahía”. Entre outras cousas denunciábase a falta dun aval constituído por valor de un millón de euros e a ocupación de zonas verdes.
O Concello remitiu á Fiscalía, previa solicitude desta, un levantamento topográfico que determinaba qué zonas verdes desta urbanización se ocuparan con elementos comunitarios. Este informe especificaba que había 700 metros ocupados pero en ningún caso por vivendas.
Neste momento o fiscal comunica ao Concello que este delito está prescrito na vía penal. En relación coa falta de aval constituido explícase que dende o punto de vista procedimental carece de encaixe no Código Penal, sen perxuízo das responsabilidades no orden disciplinario.
Martiño Noriega explica que “o grupo de goberno cumpriu coa súa obriga de notificar cuestións que nós entendemos como irregulares e o feito de que os delitos prescribiran non lle resta importancia ao feito”.
Concello de Teo
O PXOM de Teo rexeitado pola Xunta
Venres, Febreiro 13th, 2009Fonte da información: web da Concellería de Política Territorial.
Política Territorial resolve non outorgar a aprobación definitiva do PXOM do Concello de Teo, que deberá realizar correccións no seu documento
Santiago, 12 de febreiro de 2008.- A conselleira de Política Territorial, Obras Públicas e Transportes, María José Caride, asinou a Orde pola que resolve non outorgar a aprobación definitiva do Plan Xeral de Ordenación Municipal do concello de Teo (A Coruña), que deberá realizar correccións no seu documento e remitilo de novo á CPTOPT. A Orde xa lle foi notificada ao Concello e pode ser consultada na páxina web da CPTOPT no apartado de Urbanismo [Orden de 11 de Febreiro de 2009 sobre la aprobación definitiva del Plan General de Ordenación Municipal del Ayuntamiento de Teo (A Coruña) en PDF]. Nela especifícanse as correccións que o Concello deberá introducir no seu PXOM para solventar as deficiencias de xeito que cumpra coa legalidade vixente e que poida ser aprobado.
As principais eivas refírense á capacidade residencial sinalada no documento. Se ben a suma da capacidade prevista en solo urbano, urbanizable, delimitado e de núcleo rural (superficie equivalente a 5.400 novas vivendas) pode corresponderse coa demanda previsible para os vindeiros 16 anos, non ocorre así coa “reserva intemporal” que o PXOM establece para os solos urbanizables non delimitados e que engaden outras 2.725 novas vivendas a longo prazo. Segundo a resolución da Consellería, esta capacidade residencial engadida para o solo urbanizable non delimitado carece de xustificación.
Outras eivas sinaladas por Política Territorial refírense, en xeral, a unha incorrecta clasificación dos diversos tipos de solo con respecto ao que establece a lei. Nas correccións sinaladas pola CPTOPT indícanse zonas que o Plan clasifica como solo urbano que non reúnen as condicións esixidas por lei, e outras clasificadas como áreas de expansión de núcleo rural que deben ser clasificadas como solo rústico de especial protección. De feito, o propio Plan prevé que unha parte importante da capacidade residencial en solo de núcleo rural (ata o 80%) non se vai materializar, polo que non está xustificada a necesidade de prever áreas de expansión. O Concello de Teo tamén deberá xustificar a previsión de varias zonas de solo urbanizable tanto residencial como industrial que polas súas características deberían ser solo rústico.
Doutra banda, a resolución da Consellería sinala que, como consecuencia da Evaluación Estratéxica Ambiental formulada pola Consellería de Medio Ambiente, introducíronse cambios no documento do Plan Xeral que non foron aprobados polo Pleno do Concello.
Igualmente, o Plan deberá incorporar as apreciacións sinaladas nos seus informes pola Dirección Xeral de Obras Públicas e pola Consellería de Medio Ambiente. Finalmente, na estratexia de actuación do Plan non poderá imputarse a administracións ou organismos distintos do Concello de Teo ningún investimento para o que non quede acreditado o correspondente compromiso.
Unha vez realizados os cambios e os trámites oportunos, o Concello, tras aprobalo en Pleno, deberá remitir de novo o Plan á CPTOPT. A Consellería analizará o PXOM para comprobar que se realizaron as correccións esixidas e resolverá sobre a súa aprobación definitiva.
- En La Voz de Galicia: La Xunta deniega la aprobación definitiva del Plan Xeral de Teo.
- En El Correo Gallego: La Xunta rechaza el Plan de Teo por excesivo suelo urbanizable.
