Xa están instalados os novos contenedores subterráneos na zona norte da urbanización. De momento so funcionan o de vidro e o de plástico. Non está de máis recordar que estos contenedores están aí gracias ao traballo da xente da anterior directiva da Asociación Augas Mansas, e a atención do Concello.
Lemos en concellodeteo.com:
O Concello reitera a petición de que a cidadanía faga un uso responsable da auga potable. (30/07/2010)
O Concello de Teo volve dar a voz de alarma respecto do consumo de auga potable. Nestes días polas altas temperaturas estase detectando unha escaseza de fluxo sobre todo nas zonas altas do Concello, a onde chega con pouca presión.
O alcalde explica que “nas zonas verde públicas séguese mantendo a orde de restrinxir o rego e pediríamos aos particulares que teñan en conta esta medida xa que nunha situación de escaseza de subministro débese primar o consumo para uso persoal”.
A principios de verán dende o Concello xa se trasladaba que existía o risco de que durante o verán se tiveran que realizar cortes puntuais de auga potable. Estes días de extremo calor o depósito da Estación de Tratamento de Auga Potable (ETAP) de Pontevea ten un volume suficiente mais é o alto consumo o que fai que o fluxo que vai polas tuberías faga que nas zonas máis altas se note escaseza.
Para evitar esta situación “a única receita que se pode recomendar a medio prazo é a petición dun consumo responsable sobre todo para regos ou piscinas” explica o alcalde. No último mes “acordouse coa empresa xestora do servizo a posta en marcha dunha segunda bomba como unha solución puntual para garantir o mantemento do nivel de auga preciso no depósito” destaca Noriega.
A ETAP de Pontevea, está ó límite da súa capacidade de producción e para dimensionar a instalación é preciso un investimento dun millón de euros que xa está recollido nos orzamentos xerais do estado dende o 2008 pero que polo de agora as administracións supramunicipais, Ministerio e Xunta de Galicia, non vehiculizaron.
Xa están en marcha as obras de instalación dos novos contenedores subterráneos en Augas Mansas.
Dende o Concello de Teo pídese “un consumo responsable de auga nos vindeiros meses, sobre todo no que se refire a piscinas privadas e sistemas de rego”. De feito o goberno municipal xa deu orde de limitar o tempo de rego en zonas verdes públicas. “Sen querer parecer alarmistas, a gravidade da situación actual fai que non se descarte que durante o verán se produzan cortes puntuais de auga” explica Rafael Sisto, concelleiro de urbanismo e obras.
Información completa en concellodeteo.com: O Concello amosa a súa preocupación pola situación de escaseza de auga potable.
Hoxe sábado, ás 20.30h, Xabier P. Docampo falará coa xente de Teo moi perto de Augas Mansas: na Mediateca do Grilo. Será un acto de recuperación de Memoria Histórica titulado O ensino nacionalcatólico. Experiencias dun neno dos 50.
Reproducimos a nota de prensa que emitiu a asociación organizadora, A Oliveira:
A Oliveira de Teo convida ao público en xeral a se achegar á Mediateca Municipal O Grilo, este sábado 19 de xuño, ás 20,30 horas, para asistir á charla que vai impartir o mestre, escritor, articulista de prensa, colaborador de radio e televisión, activo fundador de movementos de renovación pedagóxica, conferenciante con ampla experiencia, actividade que o levou por latitudes diversas do mundo para impartir diversos cursos, o chairego Xabier P. Docampo. A conferencia leva por título: A educación nacional católica. Experiencias dun neno dos 50.
A de escritor é talvez a labor pola que é máis coñecido Xabier P. Docamo. Está considerado por crítica e público como un dos máis relevantes de Galicia, cun papel de primeira liña na renovación da literatura xuvenil galega. Os seus libros foron recoñecidos con importantes galardóns (Feira do Libro de A Coruña, Emilia Pardo Bazán, á mellor obra de Literatura Infantil e Xuvenil en Galicia, Premio Nacional de Literatura Infantil y Juvenil do Ministerio de Educación, Rañolas, IBBY Honour List 1996, ou The White Ravens da Jugendbibliothek de Munich).
Da Oliveira de Teo queremos resaltar tamén o seu traballo como activo militante a prol do idioma galego, que mesmo acrecentou nestes tempos que andamos, nos que a nosa lingua sufriu, e está a sufrir, un ataque sen precedentes, por parte de persoas e organizacións que practican a intolerancia desde un fanático sentimento de racismo lingüístico.
Quen escoitou algunha vez o conferenciante co que temos a honra de contar na Oliveira de Teo para esta charla que anunciamos, sabe da calidade da súa oratoria. Por iso estamos convencidos de que, da man do rigor e amenidade das palabras de Xabier P. Docampo, os asistentes participaremos nun interesante acto de recuperación de memoria histórica.
Contamos coa súa presenza nas instalacións municipais da Mediateca O Grilo, que agradecemos de antemán.
¡Por fin!:
A Xunta de Galicia outorgou por fin a aprobación definitiva do Plan Xeral de Ordenación de Teo. Despois de nove anos de tramitación o Concello xa dispón dunha norma urbanística integral para o seu desenvolvemento nos vindeiros anos.
E parece que pronto: O Concello instalará colectores subterráneos de recollida selectiva nos Tilos e en Augas Mansas.
Segundo o contrato, “o prazo de execución será de sesenta días naturais”.
Lemos a boa nova na web do Concello:
O Concello contrata a instalación dunha planta de tratamento de residuos vexetais no Punto Limpo. (21/04/2010)
O Concello de Teo ten adxudicada provisionalmente a construcción dunha planta de tratamento de residuos vexetais no punto limpo municipal. Esta actuación medioambiental está financiada na súa totalidade con cargo ao Fondo Estatal para o Emprego e a Sustentabilidade Local -FEESL 2010-.
Esta obra encaixa cun dos eixes deste novo fondo, que prevía o financiamento de actuacións relacionadas coa xestión e o tratamento de residuos con criterios de sustentabilidade. A obra da planta de tratamento de residuos vexetais ten un orzamento de 75.471 € e un prazo de execución previsto de tres meses. Con esta actuación quérese dotar ao Concello dunha instalación para eliminar os residuos vexetais que pola súa natureza non encaixan dentro da recollida selectiva que xa se realiza actualmente.
A planta estará no entorno do punto limpo municipal e terá un espazo de 400 metros cadrados. A empresa adxudicataria terá que facer a cimentación e a base para despois pechar o espacio. A planta estará dividida en tres silos, separados por paneis de formigón, nos que se almacenarán os residuos unha vez triturados.
Esta obra permitirá realizar o primeiro paso do proceso de obtención de humus ou abono. Con esta instalación vén a minimizarse un problema a eliminación dos residuos vexetais conseguindo obter materia útil para outros usos. O tratamento de residuos vexetais é un sistema de tratamento e estabilización de residuos orgánicos, baseado na actividade microbiolóxica en condicións controladas das que se acaba obtendo substrato.
Falan deste asunto en El País, na Consellería de Medio Ambiente e na propia web do Concello, por exemplo.
Foto: AZAdam (CC)
Parece ser que onte, 9 de novembro, rompeu unha tubería de auga en Cacheiras; houbo unha fuga con filtracións á rede de canalización de Gas Natural e esto provocou unha avería que fixo que estivéramos todo o día sen servicio de gas. Segundo acaban de dicirnos desde a empresa, “a avería quedou restablecida onte á tarde”. Sen embargo somos moitos os que aínda nesta mañá de martes non temos gas, nin auga quente nin calefacción.
Suxírennos desde Gas Natural que probemos a apaga-la caldeira, pecha-la chave do gas durante 15 minutos, e encendela de novo. Convén ademáis, mentras está apagada, presionar o botonciño que hai á dereita desa caixiña metálica circular que está cerca da caldeira, no conducto do gas. Se despois disto segue sen funcionar, teríamos que chamar ao servicio técnico: o teléfono de urxencias, gratuito, é o 900 750 750; o de reparacións (ao que posíblemente nos derivarán) é un 902 (902 350 053), de pago (aínda que sexamos clientes de Gas Natural, a atención telefónica ao cliente hai que pagala a maiores; ademáis, no meu caso tiven que chamar sete veces para recibir axuda –se están ocupados non comunica: entra a chamada, soa unha breve grabación robótica e comunicación se corta, co cual hai que volver marca-lo 902 e, lóxicamente, apoquinar máis: mal servicio de atención telefónica de Gas Natural.)
E, xa que estamos a falar de enerxía, aproveitamos para preguntar: ¿notáchedes unha subida na factura de Fenosa? Somos varios os veciños que, sen ter feito nada especialmente diferente a outros meses, notamos un encarecemento considerable na última factura, a de outubro.
Teo na prensa